చెన్నై: ఐపీఎల్ మాజీ చాంపియన్ చెన్నై సూపర్ కింగ్స్ (సీఎస్కే) హెడ్ కోచ్గా టీమిండియా మాజీ పేసర్ జహీర్ ఖాన్ నియమితులయ్యాడు. గత 18 సీజన్లుగా ఆ జట్టుకు ప్రధాన కోచ్గా వ్యవహరించిన స్టీఫెన్ ఫ్లెమింగ్ స్థానంలో జహీర్ ఈ బాధ్యతలు చేపట్టనున్నాడు. ఈ విషయాన్ని సీఎస్కే యాజమాన్యం 'ఎక్స్' వేదికగా సోమవారం అధికారికంగా ప్రకటించింది.
సుదీర్ఘకాలం పాటు ఫ్రాంచైజీకి సేవలందించిన ఫ్లెమింగ్ నిష్క్రమణ తర్వాత, జట్టు పగ్గాలను ఒక ఇండియన్ కోచ్కు అప్పగించాలని సీఎస్కే మేనేజ్మెంట్ కమిటీ (ఎంఎస్ ధోనీ, కెప్టెన్ రుతురాజ్ గైక్వాడ్, ఓనర్ రూప గురునాథ్) నిర్ణయించింది. ఇండియా తరఫున 92 టెస్టులు, 200 వన్డేలు, 17 టీ20లు ఆడిన జహీర్ ఖాన్, 2011 వన్డే ప్రపంచ కప్ విజయంలో కీలక పాత్ర పోషించారు. గతంలో లక్నో సూపర్ జెయింట్స్కు మెంటార్గా వ్యవహరించిన అనుభవం జహీర్కు ఉంది. త్వరలో ప్రారంభంకానున్న ఐపీఎల్ సీజన్ నుంచి జహీర్ తన కొత్త బాధ్యతలను చేపట్టనున్నాడు.
